ҰҚК шекарадағы күзетті күшейтті: 99 адам жалған төлқұжат жасаған
Қазақстан Республикасының ҰҚК Шекара қызметі Мемлекеттік шекараны күзету бойынша күшейтілген жұмысты жалғастырады, деп хабарлайды El.kz ақпарат агенттігі.
2023 жылдың басынан бері шетелдік (Үндістан, Нигерия, Тәжікстан, Өзбекстан және Ресей) және Қазақстан азаматтары жалған және өзгенің құжатын қолдануының 99 фактісін анықтады.
Шекаралық аймақта 4 238 шекара режимін бұзушы ұсталды, 1,9 млрд теңгеге жақын сомадағы валюта, алтын және басқа тауарлардың тасымалдануына жол берілмеді Қару мен оқ-жарақты өткізудің 66 әрекетінің жолы кесілді. Заңсыз миграцияның 4 арнасы бейтараптандырылып, бұл қылмысқа қатысы бар 6 адам ұсталды, - делінген ҰҚК ақпаратында.
Ұсталған құқық бұзушыларға қатысты Қазақстан Республикасының заңнамасына сәйкес шаралар қабылданды.
Қысқа да нұсқа. Жазылыңыз telegram - ға