Үндістанда теміржол апатынан үш жүзге жуық адам қайтыс болды
Үндістанның шығысындағы Одиша штатында бірнеше пойыз пойызы соғылып, 288 адам қаза тапты. 900-ге жуық адам әртүрлі жарақат алған, деп хабарлайды El.kz ақпараттық агенттігі.
ВВС-дің жазуынша, "Шалимар-Коромандель" жүрдек пойызы жергілікті уақыт бойынша кешкі жетіде рельстен шығып кеткен. Салдарынан бірнеше вагон "Есвантпур-Хаора" экспресі жүретін басқа жолға түсіп кетіп, вагондарға соғылды. Бұдан бөлек, жолда тұрған жүк пойызымен тағы бір қақтығыс болып, апат тіркелді.
Бұл Үндістандағы 1980 жылдардан бергі ең үлкен теміржол апаты болып отыр. Жергілікті билік құрбан болғандардың саны артуы мүмкін деп мәлімдеді.
Апат болған жерге 200-ден астам жедел жәрдем келіп, кезекшілікке қосымша 100-ден астам дәрігер шақырылған. Тірі қалған жолаушылардың көпшілігі төңкерілген вагондарда болғандарға көмекке барғаны мәлім болды. Қазіргі уақытта құтқару операциясы жалғасып жатыр.
Үндістан Премьер-Министрі Нарендра Моди қайтыс болғандар мен зардап шеккендердің туыстарына көңіл айтып, Twitter-де апат болған жерде құтқару жұмыстары жүргізіліп жатқанын және зардап шеккендерге қажетті көмек алу үшін қолдан келгеннің бәрі жасалып жатқанын хабарлады. Апаттан тірі қалғандардың бірі Үндістанның ANI жаңалықтар агенттігіне апат болған кезде оған 10-15 адам түскенін айтты.
Мен қолым мен мойнымды жарақаттадым. Вагоннан шыққан кезде біреудің қолынан, тағы біреудің аяғынан айырылғанын, ал басқа жолаушылардың басқа да жарақат алғанын байқадым", - деді ол.
Үндістанда әлемдегі ең ірі теміржол желілерінің бірі орналасқан. Билік инфрақұрылымды жақсартуға жүздеген миллион доллар инвестициялағанына қарамастан, мұнда теміржол апаттары жиі орын алып келеді.
Үндістандағы ең үлкен теміржол апаты 1981 жылы Бихар штатындағы циклон кезінде толып жатқан жолаушылар пойызы өзенге құлап, кем дегенде 800 адам бақилық болған еді.
Қысқа да нұсқа. Жазылыңыз telegram - ға