Ұлыбритания премьер-министріне қауіпсіздік белдігін тақпағаны үшін айыппұл салынды
Премьер-министр айыппұл төлеуге дайын екенін мәлімдеді
Ұлыбритания премьер-министрі Риши Сунакқа көлікте қауіпсіздік белдігін тақпағаны үшін айыппұл салынды, деп хабарлайды El.kz ақпарат агенттігі ҚазАқпарат-қа сілтеме жасап.
Англияның солтүстік-батысындағы Ланкашир қаласының полициясы британ үкіметінің басшысына айыппұл салды, оның мөлшері көрсетілмеген.
Ұлыбританияда мұндай құқық бұзушылық үшін жаза 100 фунтты (шамамен 115 еуро) құрайды, егер құқық бұзушы сотқа жүгінсе, 500 фунтқа дейін көтерілуі мүмкін, деп түсіндіреді ВВС.
Премьер-министр кеңсесі Сунактың «қателігін толық мойындап, кешірім сұрағанын» және айыппұл төлеуге дайын екенін мәлімдеді.
Сунак Ұлыбритания үкіметінің аймақтарды дамыту бағдарламасы туралы әлеуметтік желілерге арналған промо-роликті түсіру кезінде жүріп келе жатқан көліктің қауіпсіздік белдігін шешіп қойған.
Қысқа да нұсқа. Жазылыңыз telegram - ға