Ұлттық компания вьетнамдық-жапондық серіктестерімен жаңа жобаны бастады
Mareven Food Tien Shan Алматы облысында сусындарды өндіру және бөтелкеге құю жобасын жүзеге асырып жатыр, деп хабарлайды El.kz ақпарат агенттігі.
«KAZAKH INVEST» Ұлттық компаниясы» АҚ мен вьетнамдық-жапондық «Mareven Food Tien Shan» ЖШС компаниясы арасында сусын өндіру және құю цехын салу жөніндегі инвестициялық жоба аясында өзара түсіністік туралы меморандумға қол қойылды. Жоспарланған инвестиция көлемі 21 млрд теңге. Бұл жобаның арқасында 230-дан астам жұмыс орны ашылады. Жоспар бойынша жаңа цех 2025-2026 жылдар аралығында кезең-кезеңімен іске қосылады. Жоба өнімділігі сағатына 70 000 бөтелке болатын 4 өндірістік желіні, сондай-ақ 15 000 паллет кеңістігі бар жеке қоймасын қамтиды.
«Маревен Фуд Тянь-Шань» ЖШС Алматы облысындағы ірі инвестор және тамақ өнімдерін өндіруге маманданған. Бүгінгі таңда инвесторлар ел экономикасына 35 миллиард теңгеден астам инвестиция құйып, 690-нан астам жұмыс орнын құрды, оның 95 пайыздан астамы Алматы облысының тұрғындары.
KAZAKH INVEST Басқарма төрағасы Ержан Елекеев мұндай жобалардың Қазақстан экономикасы үшін маңыздылығын атап өтті.
Алматы облысында сусындар өндіру және бөтелкеге құю жөніндегі инвестициялық жоба жергілікті өнеркәсіптің дамуына ықпал етіп қана қоймай, жаңа жұмыс орындарын ашуға мүмкіндік береді, бұл өңірдің әлеуметтік-экономикалық дамуына оң әсерін тигізеді. Бұл жоба инвестиция тартуға және өндіріс процесіне озық технологияларды енгізуге көмектесетін мемлекет пен жеке сектор арасындағы ынтымақтастықтың табысты үлгісіне айналатынына сенімдіміз. Қолда бар ресурстар аясында біз инвестициялық жобаға жан-жақты қолдау көрсетуге дайынбыз, сондай-ақ сіздердің елімізде жұмыс істеуге қолайлы жағдай жасау үшін бар күш-жігерімізді саламыз, - деді Ержан Елекеев.
Осы жоба аясында Маревен Фуд Тянь-Шань компаниясы өнімнің жоғары сапасын қамтамасыз ететін және олардың ішкі және сыртқы нарықтағы бәсекеге қабілеттілігін арттыратын заманауи өндіріс технологияларын енгізуді жоспарлап отыр. Компания сонымен қатар жобаның экологиялық құрамдас бөлігіне ерекше назар аударады, экологиялық таза технологияларды енгізеді және халықаралық экологиялық стандарттарды сақтайды.
Біз Алматы облысында жобаның үшінші кезеңінің басталғанын хабарлауға қуаныштымыз және KAZAKH INVEST компаниясына тұрақты қолдауы мен ынтымақтастығы үшін алғысымызды білдіреміз. Өндірілген өнім ішкі нарыққа жеткізіліп, сонымен қатар Орталық Азия елдеріне, Ресей Федерациясына, Моңғолияға, Ауғанстанға және т.б. экспортталатын болады, - деді «Маревен Фуд Тянь-Шань» ЖШС бас директорының орынбасары Нгуен Дин Хиен.
KAZAKH INVEST ұлттық компаниясы Маревен Фуд Тянь-Шань компаниясына 2018 жылдан бастап дамудың барлық кезеңдерінде қолдау көрсетіп келеді. Жаңа инвестициялық жоба ерекшелік болмайды, меморандумға сәйкес «KAZAKH INVEST» жобаны жүзеге асыру үшін қолайлы жағдай жасауға, компанияны мемлекеттік қолдаудың ықтимал нысандары туралы хабарлайды, сондай-ақ жобаны табысты іске асыру үшін қажетті Қазақстан Республикасының мемлекеттік органдардан ақпарат алуға жәрдемдеседі.
Қысқа да нұсқа. Жазылыңыз telegram - ға