Ұлттық дәстүр қаншалықты ұлықталып жүр
Ақтауда қолөнер дәстүрін жаңғыртуға бағытталған «Сән Құрақ Fest–2025» фестивалі өтті. Көрмеге «құрақ құрау» дәстүрімен әзірленген көрпелер, киімдер мен аксессуарлар қойылды, деп хабарлайды El.kz интернет порталы.
Іс-шараның басты мақсаты - ұлттық қолөнерді сақтап, дамыту, жас ұрпақтың дәстүрлі өнерге қызығушылығын арттыруға бағытталған. Көрмеге 15 жергілікті тігінші мен қолөнер шебері қатысты.
Көрме аясында қатысушылар құрақ құраудың жаңа тәсілдерімен бөлісіп, ұлттық ою-өрнекпен көмкерілген құрақ көрпелер, төсеніштер, сөмкелер мен сәнді киім үлгілерін көпшілік назарына ұсынды.
Фестиваль қорытындысы бойынша Балия Қапарбаева (Ақтау қаласы) бас жүлдеге ие болды. 1 орынды Таңсұлу Қалабаева (Ақтау қаласы) иеленіп, 2 орында Болар Досанова (Шетпе ауылы) жүлделі болды. Ал 3 орынды Жанар Джалғасбаева (Қызылтөбе ауылы) иеленді. Қалған қатысушылар әртүрлі номинация бойынша марапатталды, - деді фестивальдің негізін қалаушы, Жаңаөзен «Аналар кеңесі» кабинетінің төрайымы Тілектес Болатбаева.
Қысқа да нұсқа. Жазылыңыз telegram - ға
Оқи отырыңыз 
