ҰБТ тапсыратындардың шекті баллы өзгермейді

ОКҚ-да өткен баспасөз мәслихатында Ғылым және жоғары білім министрлігінің Ұлттық тестілеу орталығының директоры Болатбек Әбдірасылов тестілеу форматында өзгерістер жоқ екенін айтты, деп хабарлайды  El.kz ақпарат агенттігі.

2024 жылғы талапкерлер үш міндетті және таңдау бойынша екі пәннен тест тапсырады. «Оқу сауаттылығы» мен «Математикалық сауаттылық» міндетті пәндерінен тапсырмалар саны 5 сұраққа қысқарды. Бұл бейіндік пәндер бойынша сұрақтар санын 40-қа дейін арттыруға мүмкіндік берді. Сонымен қатар бейіндік пәндерде берілген тізімнен сәйкестікті анықтауға арналған 5 тапсырма қосылды, – деді ол.

Бұдан өзге ведомство басшысы ҰБТ тапсырмалар саны өзгеріссіз қалатынын, жалпы 120 сұрақ болатынын атап өтті.

Оның ішінде «Қазақстан тарихынан» 20 тапсырма, «Оқу сауаттылығынан» 10 тапсырма, «Математикалық сауаттылықтан» 10 тапсырма және екі бейіндік пән бойынша 40 тапсырма. Жоғары балл – 140, ол да өзгеріссіз қалды. Тестілеудің  жалпы уақыты – 4 сағат (240 минут). Сонымен қатар ерекше білім беру қажеттіліктері бар балаларға қосымша 40 минут уақыты сақталады, ал көру қабілеті бұзылған балалардың ыңғайы үшін сызба және диаграммаларсыз сұрақтар әзірленді, – деді Болатбек Әбдірасылов.

Сонымен қатар шекті балл өзгермегенін жеткізді.

«Құқық» және «Педагогикалық ғылымдар» білім беру салалары үшін кемінде 75 балл, «Денсаулық сақтау және әлеуметтік қамтамасыз ету (медицина)» кемінде 70 балл, «Ауыл шаруашылығы және биоресурстар», «Ветеринария» кемінде 60 балл (ұлттық жоо үшін), ұлттық жоғары оқу орындарына түсу үшін кемінде 65 балл, басқа жоғары оқу орындарына кемінде 50 балл жинау керек, – деді Ұлттық тестілеу орталығының директоры Болатбек Әбдірасылов.

Қысқа да нұсқа. Жазылыңыз telegram - ға