Жаңалықтар

ТЖМ құтқарушылары Рудный тұрғынына көмек көрсетті

Фото: Бейнежазбадан скриншот

Фото: Бейнежазбадан скриншот 03.01.2025 22:18 464

Бүгін Рудный қаласында 37 жастағы тұрғын сақинасын шеше алмай ТЖМ құтқарушыларының көмегіне жүгінді, деп хабарлайды El.kz ақпарат агенттігі.

Восточная көшесінде орналасқан үйлердің бірінде 1987 жылы туған әйел саусағындағы сақинаны өздігінен шеше алмай, 112 жедел қызметінен көмек сұраған.

Оқиға орнына келген ТЖМ қызметкерлері сақинаны жіп пен сұйық сабынның көмегімен қауіпсіз түрде алып тастады. Әйелге медициналық көмек қажет болған жоқ.

ТЖМ бұл ретте төтенше жағдай туындаса, 112 нөміріне хабарласуды қаперге салады.

Бөлісу: