Түркияда зілзаладан құлаған ғимараттарға қатысы бар 247 адам қамалды
Жалпы іс бойынша 997 адам ұсталған
Фото: Anadolu Agency
Фото: Anadolu Agency
05.03.2023 23:33
911
Түркияда жер сілкінісінен құлаған ғимараттарға қатысы бар 247 адам қамалды, деп хабарлайды El.kz Anadolu агенттігіне сілтеме жасап.
Апат аймағында орналасқан провинция прокуратурасының шешімімен 6 ақпаннан бері қираған ғимараттардың құрылысына қатысы бар 997 адам тұтқынға алынған.
Салдарынан 247-сі қамауға алынып, 322 күдіктіге сот бақылауы тағайындалды.
Одан басқа, 198 күдіктіге қамауға және 102 адамды ұстауға ордер берілген.
Еске салайық, 6 ақпанда Түркияда магнитудасы 7 балдан асатын екі жойқын жер сілкінісі орын алған болатын.
Түркияның оңтүстік-шығысындағы жер сілкінісінен қаза тапқандар саны 45 мыңнан асты.
Бөлісу:
Қысқа да нұсқа. Жазылыңыз telegram - ға
Келесі жаңалық
Қызылордада енесінің атынан несие алған келін сотталды