Түркістандық 2-сынып оқушысы қырғауылды үй жағдайында зерттеп жүр
Түркістан облысы Төлеби ауданында бастауыш сынып оқушысы қырғауылды үй жағдайында зерттеп жүр, деп хабарлайды El.kz ақпарат агенттігі.
Аудан орталығы Леңгір қаласындағы №1 мектеп-гимназияның 2-сынып оқушысы Балару Әділхасым қырғауылды үй жағдайында жыл бойы өсіріп, көбейтуге болатынына көз жеткізіп отыр.
Түркістан облыстық білім басқармасының хабарлауынша, бастауыш оқушысы Баларудың үйде қырғауыл өсіруге деген қызығушылығы ата-анасы тарапынан қолдау тапқан. Ал оқушының құстың бұл түрін зерттеуге деген ынтасын ұстазы, тәжірибелі бастауыш сынып мұғалімі, педагог-зерттеуші Зәуре Көкеева оятқан.
Мен алтын түсті қырғауылды үй жағдайында зерттей отырып, бұл құсты жылдың әр мезгілінде өсірудің ерекшеліктерін білдім. Осылайша қырғауылдарды азықтандыруды, біртіндеп көбейтуді үйрендім. Жан-жақты оқып, зерттей жүріп бұл құсты өсірудің шығыны мен пайдасын анықтадым. Қазіргі кезде үйімізде жиырмаға жуық қырғауылымыз бар, - дейді Балару Әділхасым.
Оқи отырыңыз:
- Қазақстанда робототехника қалай дамып жатыр?
- Ғылыми олимпиада: Қазақстан командасы 6 қола медаль жеңіп алды
Бір айта кетерлігі, жас зерттеушінің «Қырғауылды үй жағдайында өсіру және көбейту» жобасы оқушылардың зерттеу жобалары мен шығармашылық жұмыстарына арналған республикалық «Зерде» конкурсының облыстық кезеңінде экология секциясы бойынша І-орынды жеңіп алған. Нәтижесінде оқушы қызға республикалық кезеңге жолдама берілген.
Қысқа да нұсқа. Жазылыңыз telegram - ға