Түркістан облысында құс атамын деген адам жасөспірімді өлтіріп алды
![Түркістан облысында құс атамын деген адам жасөспірімді өлтіріп алды Түркістан облысында құс атамын деген адам жасөспірімді өлтіріп алды](/storage/storage/element/2023/07/09/mainphoto/58609/1200xauto_TEFbxSHSfdchxzFt6UpoK4FXluG46nrPdcAmMDwr.jpg)
Түркістан облысында құстарды ату кезінде қайғылы жағдай орын алды, деп хабарлайды El.kz ақпарат агенттігі.
Анықталған дерек бойынша кеше кешкілік Қазығұрт ауданындағы ЖШС-нің бірінің егіс алқабында жүзім бағында құстарды ату үшін жалданған ер адамның атқан оғы байқаусызда жасөспірімнің басына тиген.
Аталған дерек бойынша ҚР ҚК-нің 104-бабы 1-бөлігі "Абайсызда қазаға ұшырату" бойынша сотқа дейінгі тергеу амалдары жүргізіліп жатыр.
Оқиға орнына Қазығұрт аудандық полиция бөлімінің басшылығы, аудан прокуроры мен жедел-тергеу тобы бірден келіп, істің мән-жайын анықтауға кірісті.
Күдікті азаматтан 12 калибрлі аңшы мылтығы алынып, тиісті сараптама жұмыстары тағайындалды.
Күдікті Сарыағаш ауданының тұрғыны полиция бөліміне жеткізілді. Барлық мән-жайлар анықталып жатыр.
![Telegram](https://el.kz/static/site/images/tel26.png)