Түркістан облысында қойшы заңсыз аң аулаған
Тәртіп сақшылары браконьерден өлі үш қоян мен қаруды тәркіледі
Түркістан облысында қойшы заңсыз аң аулаған, – деп хабарлайды El.kz Polisia.kz-ке сілтеме жасап.
«Браконьер» жедел алдын алу іс-шарасы аясында Түркістан облысы ПД табиғатты қорғау полициясының инспекторлары жабайы жануарларды заңсыз аулау жайтын анықтады.
Нақтырақ айтсақ, рейд кезінде созақтық полицейлер Орман-қорық жеріндегі жайылымдық жерден қояндарды аулаған қойшыны анықтады. Сондай-ақ орта жастағы азаматтың үйін тінту кезінде 16 калибрлі тәркілеген аңшы мылтығы табылды.
Тәртіп сақшылары браконьерден өлі үш қоян мен қаруды тәркілеп, жағдайды анықтау үшін азаматты полиция бөліміне жеткізді. Құқық бұзушыға қатысты полицейлер ҚР ӘҚБтК-нің 382-бабы 1-бөлігі (Жануарлар дүниесін пайдалану талаптарын және аң аулау ережелерін бұзу) және ҚР ӘҚБтК-нің 482-бабы (Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) бойынша әкімшілік хаттама толтырылды.
Қысқа да нұсқа. Жазылыңыз telegram - ға