Түркістан мен Жамбыл облыстарында жолдар жабылды
"ҚазАвтоЖол" ауа райының бұзылуына байланыста Жамбыл және Түркістан облыстарында жолдардың қазіргі ахуалына қатысты ақпарат жариялады, деп хабарлайды El.kz ақпарат агенттігі.
Атап айтар болсақ, Түркістан облысында 15 желтоқсан сағат 12:00-ден бастап республикалық маңызы бар “Алматы-Ташкент-Термез” автожолының 593-620 шақырым аралығында (Жамбыл облысының шекарасынан Тұрар Рысқұлов ауылына дейін) жүк көліктерінің қозғалысына шектеу қойылды. Ал Жамбыл облысында 15 желтоқсан сағат 17:00-ден бастап республикалық маңызы бар “Алматы-Ташкент-Термез” автожолының 534-593 шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына шектеу қойылатын болады.
Трассалардағы ахуалдарға байланысты қосымша ақпаратты тәуліктің кез келген уақытда 1403 байланыс орталығына хабарласып алуға болады.
Қысқа да нұсқа. Жазылыңыз telegram - ға