Түркі мемлекеттері ұйымы аясындағы ынтымақтастық перспективалары талқыланды
Алматыда Түркі мемлекеттері ұйымына мүше ел Президенттерінің сыртқы істер жөніндегі көмекшілері мен кеңесшілерінің бейресми 2-ші кездесуі өтті, деп хабарлайды СІМ баспасөз қызметіне сілтеме жасап El.kz ақпарат агенттігі.
Басқосуда қазақ делегациясының басшысы Ержан Қазыхан Қазақстанның Түркі мемлекеттері ұйымындағы төрағалығы барысы туралы баяндады. Елімізде жоспарланған бірқатар іс-шараларға, атап айтқанда адам ресурстары, әділет және көлік министрлерінің, сондай-ақ жоғарғы соттардың кездесулеріне тоқталды.
2024 жылғы қыркүйекте Астанада өтетін 5-ші Дүниежүзілік көшпенділер ойындарына шақыруды қайта растап, тараптардың белсенді қатысатынына үміт артты. Бұдан бөлек жасыл экономика, көлік-логистикалық әлеуетті дамыту, сонымен бірге ұйым хатшылығын институциализациялау және оның халықаралық сахнадағы беделін арттыру бойынша пікір алмасылды.
Жиын қатысушылары ТМҰ қызметін күшейту мақсатында тұрақты байланыстарды жалғастыру, сондай-ақ биыл Шуша және Бішкекте жоспарланған саммиттердің сапалы пысықтау маңыздылығын атап өтті.
Е.Қазыхан ұйымның төрағасы К.Омуралиев және Әзербайжан Президентінің сыртқы саясат мәселелері жөніндегі көмекшісі Х.Гаджиевпен кездесіп, екіжақты және көпжақты күн тәртібіндегі өзекті мәселелерді, көлік-логистиалық бағыттарды дамыту және өзара сауда-экономикалық әрекеттесу жолдарын талқылады.
Қысқа да нұсқа. Жазылыңыз telegram - ға