Тұрғын үйдің бесінші қабатына атпен шыққан қарағандылық жазаланады
Бұл туралы Рolisia.kz мәлім етті
Фото: polisia.kz
Фото: polisia.kz
16.01.2023 15:55
954
Ат үстінде отырып, көпқабатты үйдің баспалдағымен жоғары көтерілген қарағандылық 10 күнге түрмеге қамалуы мүмкін, деп хабарлайды El.kz ақпараттық агенттігі Рolisia.kz-ке сілтеме жасап.
«Қарағанды облысы Ақтоғай аудандық полиция бөлімінің қызметкерлері 51 жастағы Шашубай кентінің тұрғынын анықтады. Оған қатысты ҚР Әкімшілік құқық бұзушылық туралы кодекстің 434-бабымен хаттама толтырылып, материал шешім қабылдау үшін сотқа жіберілді.
Ер адамға құқық бұзушылық әрекеті үшін 5 АЕК (17 250 теңге) мөлшерінде айыппұл салынады немесе 10 тәулікке әкімшілік қамауға алынады», - делінген полиция мәліметінде.
Видео Тик-ток желісінде тараған. Ер адам атпен 5-қабатқа баспалдақпен шығып, онысын видеоға түсірген.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Астана қаласынан Сенат депутаты сайланды - ОСК
Келесі жаңалық
Семейде бас шыршаның шамын жағу рәсімі кейінге қалдырылды