Трансплантация жайлы фильм көрерменге жол тартады
EL.KZ Информационно-познавательный портал
2024 жылы Қазақстанда 250 трансплантация операциясы жасалды, оның 227-сі тірі донордан, ал 23-сі қайтыс болғаннан кейінгі донорлық операция арқылы жүзеге асырылған. Бұл – еліміздің денсаулық сақтау саласында үлкен жетістік, мыңдаған пациенттерге жаңа өмірге қадам басуға мүмкіндік берген маңызды белес.
Трансплантация бағдарламасы Қазақстанда 2012 жылдан бастап жұмыс істейді. Осы уақыт ішінде шамамен 2 800 ота жасалыпты, олардың 2 353-не тірі донордан (шамамен 84 %) және 447-сіне қайтыс болған донордан (16 %) алынған ағзаларды қолданылған.
Жүргізілген трансплантациялар түрі бойынша:
Бүйрек - 2 078 ота
Бауыр - 541
Жүрек - 98
Өкпе - 22
Ұйқы безі - 2
Мөлдірқабық - 59
Бұл көрсеткіштер трансплантологияның Қазақстанда әртүрлі ағзалар бойынша дамып келе жатқанын айтарлықтай көрсетеді.
Қазіргі уақытта Қазақстанда трансплантация күтіп жатқан адамдардың саны өте көп – 4 113 адам, оның ішінде 95-і бала. Олардың көпшілігі бүйрек ауыстыруды күтеді (3 672 адам), сонымен қатар 184 адам бауыр, 138 адам жүрек трансплантациясын күтуде.
Бұл цифрлар трансплантацияға деген сұраныстың жоғары екенін көрсетеді.
Осы салада маңызды рөл атқаратын – Республикалық трансплантацияны үйлестіру және жоғары технологиялы медициналық қызмет орталығы ашық әрі комплексті жүйені қамтамасыз етеді. Бұл орталық донорларды анықтау, үйлестіру, ағза сәйкестігін тексеру, логистика және трансплантация операцияларын қадағалайды.
Мәселен, 2024 жылы орталық мәліметтері бойынша:
86 потенциалды донор анықталған,
10 отбасы донорлыққа келісім берген,
Соңында 6 донор медициналық талаптарға сай болған, және солардан 23 трансплантация жасалған.
Бұл көрсеткіштер қайтыс болғаннан кейінгі донорлықтың әлеуеті әлі толығымен іске асырылмай жатқанын, әрі халықтың ағза донорлығынан хабары аздығы мен сенімі маңызды екенін айқындайды.
«Qazcontent» АҚ еліміздің медицинасындағы осы маңызды бағыттың өзектілігін көрсету мақсатында «Үзілмеген үміт» атты деректі фильм түсірілді. Бұл фильм Қазақстандағы трансплантология саласының күрделі, бірақ үмітке толы дағдарыстарын айқын бейнелейді.
Фильмдегі негізгі кейіпкерлер:
Андрей (Қостанай облысының тумасы) - 10 жыл бойы диализде болған, ем алу үшін отбасынан алыс, Астанада ем алуда. Оның өмірі мен күресі — тірі донорлықтың адам өміріндегі маңыздылығын көрсетеді.
Әли, 4 жастағы бала - бүйрегі жарамсыз, анасы жанында, ол күнде өмірге үмітпен күтуде.
Максим, 18 жаста - жол апатынан қайтыс болғаннан кейін донор болды, және оның органдары басқа науқастарға өмір сыйлады.
Есен - спортпен айналысқан азамат, трансплантацияны 5 жыл күтіп, бүйрегін алмастырғаннан кейін толыққанды өмірге қайта оралды, қазір жұмыс істейді.
Фильмде клиникалық аспектілер - ота бөлмелеріндегі процестер, хирургиялық кезеңдер, донорды дайындау, ағза сәйкестігін тексеру, трансплантация операциялары — нақты әрі әдемі көріністермен көрсетіледі. Бұл көрерменге медициналық күрделілікті ғана емес, сондай-ақ адамгершілік, жанашырлық, отбасылық байланыстарды да ашады.
«Үзілмеген үміт» – тек медицинадағы жетістіктер туралы фильм емес, бұл адалдық пен өзара көмек туралы баяндайтын туынды. Деректі фильм қоғамды трансплантация мәселесіне бей-жай қарамауға шақырады: донор болу, донорлық туралы отбасымен сөйлесу, қайтыс болғаннан кейінгі донорлыққа келісім беру – бәрі маңызды.
Қорыта айтқанда, Қазақстанда трансплантация саласы шынайы өзгерістер мен дамуды бастан өткеруде. 2024 жылғы 250 ота, бірнеше жылдық тәжірибе, мыңдаған күту тізіміндегі науқастар - барлығы бұл бағыттың қаншалықты маңызды екенін көрсетеді. «Үзілмеген үміт» атты деректі фильм арқылы біз бұл күрделі, бірақ мейірімге толы саланың мәнін, қиындықтарын және мүмкіндіктерін көре аламыз.
Қысқа да нұсқа. Жазылыңыз telegram - ға
Оқи отырыңыз 
