Төтенше жағдайлар министрі Түркістан облысына барады
Түркістан облысында ҚР ТЖМ республикалық жедел штабы ұйымдастырылды, деп хабарлайды El.kz ақпараттық агенттігі. Бұл туралы ТЖМ мәлімдеді.
Су тасқынынан құтқару жұмыстарына 300-ден астам адам, 50-ден астам техника, 25 мотопомпа суды сорып шығаруға және ағызуға жұмылдырылған.
Су тасқынының себебі - таулы жерлерде жауын-шашынның көп түсуі және қардың белсенді еруінен пайда болған.
ТЖД күшімен су басқан аула аумақтарынан 154 адам эвакуацияланды.
Эвакуацияланған адамдар туыстарының үйлеріне кетті.
Халықты эвакуациялау және уақытша орналастыру үшін Сауран ауданында 4 эвакуациялық пункт дайындалды.
Жергілікті атқарушы органдардың күштерімен үйлерді су басуға жол бермеу мақсатында 2500 бірлік көлемінде құм салынған қап төсеу жұмыстары жүргізілуде.
Майдантал ауылында каналдарды өткізу арқылы суды бұру және ағызу бойынша жүргізілген жұмыстардың нәтижесінде аула учаскелерін су басуына жол берілмеді.
Облыстық маңызы бар 11 автомобиль жолының 23 учаскесінде жол төсемін су шайды.
Ордабасы ауданындағы «Найман» және «Құртай» суару каналдарында су деңгейінің көтерілуі тіркелді, қазіргі уақытта суды Арыс өзеніне ағызу жұмыстары жүргізілуде.
Қаза тапқандар мен зардап шеккендер жоқ. Жауын-шашын тоқтады, бірақ су ағыны жалғасуда.
Суды соруға және ағызуға барлығы 300-ден астам адам, 50-ден астам техника, 25 мотопомпа жұмылдырылған.
Естеріңізге сала кетейік, 3 аудандағы таулы жерлерде жауын-шашын мен қардың белсенді еруіне байланысты, атап айтқанда Бәйдібек (Шаян, Таңатар, Ынтымақ, Ақбұлақ, Шақпақ, Бірлік, Мыңбұлақ, Қосбұлақ), Сауран (Бабайқорған, Абай, Үлгілі, Оранғай, Майдантал, Шаға), Ордабасы (Шұбарсу, Бадам, Шұбар) аудандарында қардың қарқынды еруі, содан кейін еріген қар суының төмен қарай ағылуы орын алды. Еріген қар суы көшелер мен аула учаскелері бойынша 17 елді мекенде көшелер мен аула учаскелерінде ағып жатыр. Алдын ала болжам бойынша су басқан жерлер барлығы: 1 жеке тұрғын үй, 15 көше, 201 аула аумағы (Бәйдібек - Ақбұлақ ауылы - 1 жеке тұрғын үй (су деңгейі 15 см), 7 көше және 77 аула аумағы, Ордабасы - 2 көше және 3 аула аумағы, Сауран - 6 көше және 121 аула аумағы) және Ордабасы ауданындағы мектеп аумағы (Исламқұлов атындағы мектеп).
Осыған дейін Түркістан облысында бірнеше ауданды су басқаны туралы хабарлаған болатынбыз.
Қысқа да нұсқа. Жазылыңыз telegram - ға