Тоқаев Болгария президенті Румен Радевпен келіссөз жүргізді

Тоқаев Болгария президенті Румен Радевпен келіссөз жүргізді

09.06.2025 12:16

Фото: Ақорда

Қасым-Жомарт Тоқаев Болгария Президенті Румен Радевпен келіссөз жүргізді, деп хабарлайды El.kz интернет порталы.

Президент Болгария – Қазақстанның Еуропадағы ең маңызды серіктестерінің бірі екенін атап өтті.

Екі елді тамыры терең саяси және экономикалық ынтымақтастық байланыстырады. Әртүрлі саладағы екіжақты қарым-қатынастарымыз тұрақты дамып келеді. Мұны сенімді саяси диалогтан, парламенттер арасындағы нәтижелі ықпалдастықтан, сауда мен инвестицияның қарқынды өсуінен, халықтарымыздың байланысы мен әлемдік қоғамдастықтағы өзара қолдаудан анық аңғаруға болады. Екіжақты сауда айналымының артып келе жатқаны қуантады. Бұл жақсы үрдіс. Біздің нарықта 60-қа жуық болгар компаниясы табысты жұмыс істеп жатыр. Қазіргі уақытта біз тау-кен өнеркәсібі, өндіріс, көлік және құрылыс салаларында жемісті ынтымақтастық орнаттық. Энергетика, транспорт және логистика, жасыл энергия, атом өнеркәсібі, ғарыш, ауыл шаруашылығы, цифрландыру, денсаулық сақтау, туризм секілді перспективті салалар бойынша ықпалдастықтың әлеуеті зор, – деді Қазақстан президенті.

Румен Радев екі ел арасындағы дәстүрлі әрі табысты байланысты жоғары бағалайтынын жеткізді.

Мемлекетіңізді өркендетуге бағытталған ауқымды реформаларыңыз бен көреген саясатыңызды қолдаймын. Біз Қазақстанды Орталық Азиядағы басты серіктесіміз санаймыз. Сіздердің осыған дейінгі табыстарыңыз таңғаларлық: экономикаларыңыз қарқынды өсіп келеді, инновация, ғылым, білім, жоғары технология салаларында зор табысқа жеттіңіздер. Кеше мен Ғарыш орталығын аралап көрдім. Сіздердің жетістіктеріңізден жақсы әсер алдым, – деді Болгария президенті.

Болгария Ақорда

Қысқа да нұсқа. Жазылыңыз telegram - ға

Тоқаев Болгария президенті Румен Радевпен келіссөз жүргізді

Оқи отырыңыз

Ван Дейкті сан соқтырған футболшы: «Шахтердің» жаңа бас бапкері жайлы не білеміз?

«Бірден камераға түсіріп, айыппұл салады». 12 наурыздан бастап не өзгереді?

Түнде жұмыс істеу ағзаға қалай әсер етеді? Мамандар ескерту жасады