TikTok-та құмар ойын ұйымдастырғандар сотталды
![TikTok-та құмар ойын ұйымдастырғандар сотталды TikTok-та құмар ойын ұйымдастырғандар сотталды](/storage/storage/element/2024/08/13/mainphoto/116749/1200xauto_5hFDh10i8qXGwOLA5wxpqTUHPcWAdgXNoJBcQwr8.jpg)
Астанада кінәлі тұлғалар TikTok әлеуметтік желісінде құмар ойындарын ұйымдастырғаны және өткізгені үшін сотталды, деп хабарлайды El.kz ақпарат агенттігі.
Сот үкімі бойынша, 2 қала тұрғыны Қазақстан Республикасының ойын бизнесі туралы заңнамасында белгіленген орындардан тыс жерлерде құмар ойындарды ұйымдастырғаны және өткізгені үшін 4 жылға бас бостандығынан айырылды.
Олар TikTok әлеуметтік желісінде жалпы сомасы 34 миллион теңгеден астам табыс тауып «Зарик» атты құмар ойын өткізді.
Ойынның шартына сәйкес, тікелей эфирге қосылған азаматтар 500-ден 4000 теңгеге дейінгі мөлшердегі белгіленген соманы ұйымдастырушының есепшотына есімін және ұтыс алу үшін жеке телефон нөмірін көрсете отырып жолдайды. Бір ойын тек екі қарсыластың арасында өтеді. Бәс тігудің жеңімпазы 3 ойын текшесін айналдыру арқылы анықталады. Ең көп ұпай жинаған ойыншы жеңімпаз болып табылады, - делінген хабарламада.
Үкім заңжы күшіне енді.
![Telegram](https://el.kz/static/site/images/tel26.png)