Таразда «Меценат-2018» қайырымдылық форум-фестивалі өтті
Тараз қаласында «Жамбыл облысы Қазақстан халқы ассамблеясының ұйымдастыруымен «Қайырымдылық керуені» акциясы аясында «Меценат-2018» облыстық форумы өтті.
2018 жылдың меценаттарын Жамбыл облысы әкімі аппараты басшысының орынбасары Нұрымбетов Тимуржан Бидайбекұлы құттықтап естелік сыйлықтармен марапаттады.
Сонымен бірге, 2017 жылы 1 млн. теңге көмек алған Дмитрий Потапов, Айбек Айдарбек, Хафизат Санахунның ата-аналары қол ұшын берген меценаттарға алғыстарын білдірді.
Есімдері «Мықты адамдар» атағына лайық Ғалымжан Арыстанбаевты – жетімдер үйінен 8 бала асырап алған Меркі аудандық ішкі істер бөлімінің полиция аға қызметкері; «Қазақстанның 100 жаңа тұлғасы» жобасының жеңімпазы Сафонова Ларисаны «Қоғамдық келісім» КММ басшысы Рано Убайдуллаева құттықтап, алғыс хаттар және сыйлықтармен марапаттады: «Осы жыл ішінде ұжымда 100-ге жуық мәдени іс-шара өтіпті.
Соның ішінде ең жанымызға жакыны – қайырымдылық керуені акциясы аясында өтетін «Меценат-2018» форумы. Жүрегінде мейірімі бар жомарт азаматтар барында көңілі жарымжан жандарға қуаныш, шаттық сыйлайтын осынау атаулы мереке алдағы уақыттарда да жалғасын табады деп сенемін», – деді Р. Убайдуллаева.
Қысқа да нұсқа. Жазылыңыз telegram - ға