Жаңалықтар

Талдықорғанда жол апатынан үш адам зардап шекті

Фото: © Polisia.kz

Фото: © Polisia.kz 01.08.2023 11:34 1126

Талдықорған маңындағы жол апатынан үш адам зардап шекті, деп хабарлайды El.kz ақпарат агенттігі.

Алматы – Өскемен тас жолының 317 шақырымында Toyota Camry автокөлігінің қатысуымен жол апаты болды. Болжам бойынша, жапондық шетелдік көліктің 20 жастағы жүргізушісі рөлді басқара алмай, көліктің аударылуына жол берген.

Зардап шеккен жүргізуші мен оның екі жолаушысы оқиға орнынан қалалық ауруханаға жеткізілді. Жол көлік апаты дерегі бойынша қажетті сараптамалар тағайындай отырып, қылмыстық іс қозғалды, - делінген хабарламада.

Облыс полицейлері көлік жүргізушілерінен Қазақстан Республикасының жол қозғалысы ережелерін мүлтіксіз сақтауды, ең алдымен рұқсат етілген жылдамдықты сақтауды талап етеді.