Жаңалықтар

Талдықорғанда ақбөкеннің мүйіздерін сатпақ болған күдікті ұсталды

Ұсталған адам қамауға алынды

Фото: polisia.kz

Фото: polisia.kz 08.01.2023 21:10 1725

Талдықорғанда ауыл тұрғыны ақбөкен мүйізін сату кезінде ұсталды, деп хабарлайды El.kz ақпараттық агенттігі Polisia.kz-ке сілтеме жасап.

8 қаңтарда күдікті полицейлердің, сондай-ақ ҰҚК Шекара қызметінің және Ұлттық ұлан арнайы күштері қызметкерлерінің көмегімен ұсталды. Ақсу ауданының 32 жастағы тұрғыны ақбөкен мүйізін заңсыз сатпақ болған.

Тінту кезінде ұсталған адамнан 222 дана жануарлардың дериваттары бар екі жол сөмкесі тәркіленді.

Тергеу ҚР ҚК-нің 339-бабына сәйкес жүргізіледі (Өсiмдiктердің немесе жануарлардың сирек кездесетiн және құрып кету қаупi төнген, сондай-ақ пайдалануға тыйым салынған түрлерімен, олардың бөліктерімен немесе дериваттарымен заңсыз айналысу). Ұсталған адам қамауға алынды.

Бөлісу: