Жаңалықтар

Таеквондодан әлем чемпионаты: Қазақстандықтар 2 күміс, 1 қола медаль алды

Болгарияның София қаласында дүбірлі доданың екінші күні мәресіне жетті

Фото: kaznovosti.kz

Фото: kaznovosti.kz 04.08.2022 10:38 1043

Таеквондодан Қазақстанның жастар құрамасы әлем чемпионатында екі күміс пен бір қола медаль еншіледі, деп хабарлайды El.kz таеквондо федерациясына сілтеме жасап.

Спортшыларымыз арасынан Әсет Ізғалиев (48 кг), Айдана Сүндетбай (46 кг) мен Тамерлан Тілеулес (51 кг) ерекшеленді.

Финалда оңтүстіккореялық Юнсео Кимге есе жіберген Айдана Сүндетбай, Оңтүстік Корея өкілі Х.Янгтен айласын асыра алмаған Тамерлан Тілеулес жеңіс тұғырының екінші сатысына көтерілді.

Ал 48 кг салмақтың жартылай финалында Әсет Ізғалиев ирандық А.Зандимен кездесіп, «қола» медаль алды.

Осылайша әзірге жастарымыздың қоржынында екі күміс пен бір қола медаль бар.

Бөлісу: