Түркістан облысы ТЖД құтқарушылары шетелдік екі студентті іздеу жұмыстарын жүргізіп жатыр, деп хабарлайды EL.KZ ТЖМ баспасөз қызметіне сілтеме жасап.
2022 жылғы 26 маусым күні сағат 20.10-да Түркістан облысы ТЖД кезекші-диспетчерлік қызметінің пультіне сағат 16.49-да Төле би ауданының Ханарық ауылынан 5 шақырым жерде орналасқан Ақсу шатқалындағы Ақсу өзенінде 2001 жылы туған 2 студенттің белгісіз жағдайда суға түсіп, батып кеткені туралы ақпарат түскен болатын.
21 студенттен құралған топ Шымкент қаласынан келген екен. Барлығы Үндістан Республикасының азаматтары, Оңтүстік Қазақстан медицина академиясының студенттері. Іздестіру-құтқару жұмыстарына Түркістан облысы ТЖД 19 қызметкер, 1 жүзу құралы және 4 техника, Полиция департаментінен 10 қызметкер және 5 техникасы жұмылдырылды - делінген хабарламада.
Түркістан облысы ТЖД судағы қауіпсіздік шараларын сақтауға кеңес береді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
Еліміздегі ШОБ саласын цифрландыру мәселесі талқыланды
Келесі жаңалық
Алматының Арбаты Карнаби көшесінің стилінде безендірілді