Түркістан облысында волейболдан халықаралық турнир өтті
Биыл екінші рет волейболдан ұйымдастырылып отырған халықаралық «Достық» турниріне Қырғызстан және Өзбекстан республикаларынан, Алматы облысы, Тараз қаласы, Сайрам және Қазығұрт аудандарының кәсіби ойыншыларынан құралған 6 команда қатысты. Түркістан облыстық өзбек этномәден бірлестігінің ұймдастыруымен өткен спорттық сайыс екі күнге жалғасты.
«Достық» халықаралық турнирінің ашылуы аясында турнир жеңімпаздарымен қатар жеңістерімен еліміздің беделін арттырып, ауқымды халықаралық жарыстарда жеңіске жетіп, үздік нәтиже көрсеткен өзбек этномәдени бірлестігінің үздік спортшылары және олардың ата-аналары марапатталды.
Тунир нәтижесі бойынша жүлделі I-орынды Алматы облысынан келген «Буревестник» волейбол командасы (қаржылай 500 000 теңгеге) ие болса, II-орынға Түркістан облысының «Қарабұлақ» командасы (қаржылай 400 000 тенгеге), ал жүлделі III-орынға Қазығұрт ауданынан келген «Динамо» командасы (300 000 теңгені) ие болды. Сайысқа қатысқан өзге командалар мен жаттықтырушыларына әртүрлі номинациялар бойынша қаржылай сыйлықтар мен сертификаттар табысталды.
Қысқа да нұсқа. Жазылыңыз telegram - ға