СҚО-да сирек кездесетін қаруды заңсыз сақтаған ер адам ұсталды
![СҚО-да сирек кездесетін қаруды заңсыз сақтаған ер адам ұсталды СҚО-да сирек кездесетін қаруды заңсыз сақтаған ер адам ұсталды](/storage/storage/element/2024/07/11/mainphoto/111965/1200xauto_WYlIZzjcvWgdlWYMLgrwofIGrCjD9UPJHxGF9Xt0.jpg)
СҚО полицейлері сирек кездесетін қаруды заңсыз сақтаған азаматты ұстады, деп хабарлайды El.kz ақпарат агенттігі.
Солтүстік Қазақстан облысы полиция департаменті экстремизмге қарсы іс-қимыл басқармасының қызметкерлеріне атыс қаруын заңсыз сақьап жүрген облыс орталығының тұрғыны туралы жедел ақпарат келіп түсті.
Азаматтың тұрғылықты жері бойынша тергеу іс-қимылдары барысында оның үйі мен гаражының жертөлесінен Шпагина пулеметі, Мосин мылтығының пышағы, травматикалық және пневматикалық тапаншалар, 11 бірлік түрлі оқ-дәрі, 8 пышақ тәркіленді.
Атыс және суық қаруды заңсыз сақтау фактісі бойынша қылмыстық іс қозғалды. Қылмыстық іс шеңберінде тәркіленген заттар бойынша сот сараптамалары тағайындалды, тергеу әрекеттері жүргізіліп жатыр.
![Telegram](https://el.kz/static/site/images/tel26.png)