СҚО-да 53 елікті заңсыз атқан браконьерлер сотталды
![СҚО-да 53 елікті заңсыз атқан браконьерлер сотталды СҚО-да 53 елікті заңсыз атқан браконьерлер сотталды](/storage/storage/element/2024/04/29/mainphoto/101635/1200xauto_v0Eocv3kwbRTCE0NenOwrlz7jOEGSr7Wtf55rI51.jpg)
Солтүстік Қазақстан облысында заңсыз аңшылықпен айналысқан ұйымдасқан қылмыстық топ мүшелеріне сот үкімі шықты. Алайда сотталушылар дәлелді айғақтар бола тұра кінәларын мойындамаған, деп хабарлайды El.kz ақпарат агенттігі.
Браконьерлерге Қылмыстық кодекстің 262-бабы 1,2-бөліктері, 337-баптың 6-бөлігі 1-тармағы айып тағылған.
СҚО прокуратурасының мәліметінше, сотта бұлтартпас дәлелдер бола тұра төрт айыпталушы жасаған қылмыстары үшін өз кінәларын мойындамаған. Мемлекеттік айыптаушы Петропавл қаласының 4 тұрғынын облыс орталығының маңында 53 елікті заңсыз атып, мемлекетке 68 миллион теңгеден астам шығын келтіргенін дәлелдеген.
Петропавл қалалық соты прокуратураның пікірімен келісе отырып, барлығын 8 жылдан 11 жылға дейін нақты бас бостандығынан айыруға соттап, олардан келтірілген материалдық шығынды өндіріп алумен үкім шығарды. Үкім заңды күшіне енді,-делінген ведомство мәліметінде.
![Telegram](https://el.kz/static/site/images/tel26.png)