Шымкенттік тиктокер заңсыз ойын бизнесін ұйымдастырған
Шымкентте Tik-Tok әлеуметтік желісі арқылы заңсыз ойын бизнесiн ұйымдастыру фактісі анықталды, деп хабарлайды El.kz ақпарат агенттігі.
ҚМА мәліметінше, оқиға орнын тексеру барысында «интернет желісі арқылы төрт аккаунтпен «Тринка Шамай» ойынын 1995 жылы туған азаматтың ойнатқаны анықталды.
Өзінің жауабында ол тікелей эфир арқылы ойнатқан ТикТок аккаунттарды және ақша қаражаттарының түсуімен аударылуын қадағалайтын банк картасын бейтаныс азаматтардан сатып алып, пайда табу мақсатында заңсыз ойын бизнесін ұйымдастырғанын атап көрсетті, - делінген мәліметте.
Тексеру барысында ұялы байланыс телефондары, карта таратуға арналған аппараттар, ойын карталары, ойыншылардың есімдері көрсетілген тізім анықталды.
Оқи отырыңыз:
- Кәрім Мәсімов жазасын өтейтін қауіпсіздігі орташа мекемеге ауыстырылмаған
- Шілдеде дүниеге келгендер ерекше қабілетті болады
Ал ақша қаражаттарының айналымы бір айдың ішінде-ақ 15 млн теңге болған.
Бұзушылықтың мән-жайы анықталуда. ҚР ҚПК 201-бабына сәйкес өзге ақпарат жария етуге жатпайды.
Қысқа да нұсқа. Жазылыңыз telegram - ға