Шымкентте жаңа саябақ салынып жатыр

Шымкент қаласының 11-шағын ауданына қарасты жаңа саябақ құрылысы аяқталуға жақын. Қала әкімі нысанның жұмыс сапасын бақылап, тексеріп шықты, деп хабарлайды EL.KZ облыс әкімінің баспасөз қызметіне сілтеме жасап. 

1,600 га аумақты қамтитын саябақта амфитеатр, құрғақ субұрқақ, сыйымдылығы 140 м3 болатын жер асты су сорғысы орнатылды. 

Сонымен қоса ересектер мен балаларға арналған демалыс аймағы, шахмат, үстел теннисін ойнауға болатын ойын алаңы, велосипед қойылатын жер, биодәретхана, көше тренажерларының спорт және трансформаторлық қосалқы станциясы, арқан паркі қарастырылған. 

Құрылыс ауданы – 87,00 шаршы метр, қатты жабын ауданы – 2302,00 шаршы метр, көгалдандыру ауданы – 7488,00 шаршы метр. 

Аталған нысанның құрылысы былтыр маусым айында басталып, осы кезде жұмыстың 93% аяқталды.

Жоспар бойынша саябақ қараша айының соңына ел игілігіне берілмек.
Қысқа да нұсқа. Жазылыңыз telegram - ға