Шымкентте қараусыз қалған жануарларды уақытша ұстауға арналған ғимарат салынып жатыр
Фото: Шымкент қалалық әкімдігі
Фото: Шымкент қалалық әкімдігі
28.07.2023 02:11
767
Шымкент қаласында қараусыз қалған жануарларды уақытша ұстауға арналған ғимарат құрылысы жүріп жатыр, деп хабарлайды El.kz ақпарат агенттігі.
Бүгін Шымкент қаласының әкімі Мұрат Әйтенов Ақтас шағын ауданында салынып жатқан нысанның құрылыс жұмыстарымен танысты.
Әкімдік мәліметінше, жануарларды уақытша ұстауға арналған ғимараттың құрылысы биылғы жылдың сәуір айында басталған болатын. Қазіргі уақытта құрылыстың бастапқы сатысы бітуге таяу, яғни 20 пайызға орындалған.
Жоба бойынша бұл 1 гектар аумақта әкімшілік шаруашылық кешені, оқшаулағыш орын, карантин ғимараты, қойма, қараусыз иттер мен мысықтарды өз алдына бөлек уақытша ұстау павильоны орналасады. Нысан құрылысы 2024 жылы аяқталып, пайдалануға тапсыру жоспарлануда, - делінген мәліметте.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
ЖОО оқу ақысын төлеуге көмек: елордада кімдер үміткер бола алады