Шымкентте «Хизб-ут-Тахрир» радикал-экстремистік ұйымы анықталды
![Шымкентте «Хизб-ут-Тахрир» радикал-экстремистік ұйымы анықталды Шымкентте «Хизб-ут-Тахрир» радикал-экстремистік ұйымы анықталды](/storage/storage/element/2024/07/22/mainphoto/113488/1200xauto_pYBhgvH1ABhMEXx9rpKmFJ5w9LUsrcECfw8HThYZ.jpg)
Шымкентте ҰҚК 22 адамнан тұратын «Хизб-ут-Тахрир» радикал-экстремистік ұйымы әшкереленді, деп хабарлайды El.kz ақпарат агенттігі.
ҰҚК-нің Шымкент қаласы бойынша департаменті қала прокуратурасымен жедел-іздестіру іс-шараларын жүргізу барысында ағымдағы жылдың Рамазан айында ауызашар өткізу сылтауымен радикалды экстремистік ұйымның жергілікті жақтастарының санын көбейту және үгіт-насихат жұмыстарын жүргізу үшін діни жиындар өткізгені анықталды.
Тінту барысыда Қазақстан Республикасында тыйым салынған 7 діни кітап, діни мазмұндағы 10-нан астам қолжазба және мәтіндік парақшалар, 6 ұялы телефон мен 4 ноутбук тәркіленді. Аталған факт бойынша ҚР ҚК-нің 256-бабынының 1-бөлігімен және ҚР ҚК-нің 259-бабының 1-бөлігімен тергеп-тексеру амалдары басталды.
Шымкент қаласының прокуратурасы елдің конституциялық құрылысын бұзу мақсатында радикалды экстремистік ұйымдарға кіруге үгіт-насихат немесе шақыру үшін қылмыстық жауаптылық қарастырылғанын ескертеді, - деп хабарлады ведомство өкілдері.
ҚР ҚПК-нің 201-бабының талаптарына сәйкес басқа ақпарат жариялануға жатпайды.
![Telegram](https://el.kz/static/site/images/tel26.png)