Шымкентте ерекше балаларға арналған QH оңалту орталығы ашылды

Шымкентте ерекше балаларға арналған QH оңалту орталығы ашылды, деп хабарлайды El.kz ақпарат агенттігі.

Онда нейро-ортопедиялық ақаулары бар балаларға кешенді оңалту жұмыстары жүргізіледі. 

ӨКҚ Instagram-дағы мәліметінше, бұл үшін орталыққа емдік дене шынықтыру және механотерапия залында аяқ-қолдарды дамытуға арналған "Балу жүйесі", "Террастейшн", "Тиго жүйесі", "Бос аппарат RT-300", "Корвит" нейросенсорлық медициналық құрылғылары орнатылған. "Қазақстан халқына" қорының қолдауымен ашылған оңалту орталығында сенсорлық, интерактивті, шунгитті және тұзды шахта, кәсіптік терапия, физиотерапия және бальнеотерапия кабинеттері бар.

Денсаулық сақтау басқармасына қарасты №2 оңалту орталығында жыл басынан бері 1843 балаға кешенді оңалту ем-шаралары жүргізілді. Мұнда неврологиялық ақауы бар 18 жасқа дейінгі балалар кардиохирургиялық, ортопедиялық оталардан кейін оңалту процедураларын қабылдайды. 

Қысқа да нұсқа. Жазылыңыз telegram - ға