Шымкентте демалыс күндері қоғамдық көліктердің жүру уақыты ұзарды

Шымкентте демалыс күндері қоғамдық көліктердің жүру уақыты ұзарды

01.01.2025 20:05

Фото: instagram.com/akimat_shymkent

Шымкентте жаңа жылға орай берілген демалыс күндері қоғамдық автобустардың жүру уақыты ұзарды, деп хабарлайды El.kz ақпарат агенттігі.

Әкімдік ұсынған мәліметке сүйенсек, 2025 жылдың 1-4 қаңтар аралығында қалада 80 тұрақты қалалық маршрут мейрам және демалыс күндері 666 кесте бойынша қызмет көрсетеді. Бұл автобустар қала аумағындағы барлық шағынаудандар мен тұрғын алабтарды 100% қамтиды. Автобустар таңғы сағат 6:30-дан бастап кешкі сағат 23:00-ге дейін жұмыс істейді.

Сонымен қатар 71 бағыт 21:00-ге дейін, 9 бағыт 23:00-ге дейін жүреді. Олар: №12, 17, 27, 35, 74, 84, 103, 113, 126 маршруттар,-делінген әкімдік хабарламасында.