ШҚО-да екі қыз із-түзсіз жоғалып кетті
Өскеменде бірнеше апта бойы екі қызды іздеу жалғасып жатыр. 18 жастағы Әнел Ерік 18 күн бұрын, ал 24 жастағы Айпара Тұлақбай бір ай бұрын жоғалып кеткен, деп хабарлайды El.kz ақпарат агенттігі.
Шығыс Қазақстан облысының Полиция департаменті екі қыздың жоғалғаны туралы ақпаратты растады.
Әнел Ерік 2005 жылы 31 желтоқсанда туған. Ол 12 қарашада таңертең үйден шығып кеткен. Соңғы рет оны "Металлург" саябағының маңында көрген, содан кейін ол із-түзсіз кеткен. Отбасымен байланысқа шықпаған. Жоғалған сәтте жасыл киім, қара етік, шалбар киіп жүрген.
Айпара Тұлақбай 2000 жылы 17 шілдеде туған. Ол 25 қарашада жоғалып кеткен. 29 қарашада оған ұқсайтын қызды көргендер болған.
Іздеу жұмыстарына lider.kz еріктілері қатысып жатыр. ШҚО бойынша волонтерлік топтың үйлестірушісі Олеся Клинкованың айтуынша, іздеу арнайы жүйе бойынша жүргізіліп жатыр. Ол ауруханаларды, мәйітханаларды тексеру, туыстары мен достарын сұрастыру, әлеуметтік желідегі деректерді талдауды қамтиды.
Біз екі қыздың да үйден өз еркімен кеткенін білеміз. Кету себептері анықталған, бірақ бұл ақпарат құпия. Сондай-ақ, бейнебақылау камераларындағы жазбаларды тексердік. Өкінішке қарай, Өскемендегі кейбір камералар жабдықтарды жаңарту себебінен жұмыс істемейді. Дегенмен, Айпараға ұқсайтын қызды көргені туралы ақпарат бізге үміт береді, – деді Клинкова.
Жоғалғандардың туыстары да іздеуге белсенді көмектесіп жатыр. Мысалы, Айпараның немере ағасы Семейден Өскеменге келіп, арыз беру және іздеу жұмыстарын жеделдетуге қолдау көрсетті. Ол барлық мүмкін байланыстарды ұсынды және әлеуметтік желілердегі қыздың белсенділігін талдауға көмектескен.
Қысқа да нұсқа. Жазылыңыз telegram - ға