ШҚО-да 30 градус аязда өзен арнасынан шығып, тұрғын үйлерге жетті
Фото: ШҚО ақпарат орталығы
Фото: ШҚО ақпарат орталығы
15.12.2023 11:30
1010
Ауа температурасының күрт төмендеуінен Қатонқарағай ауданындағы Өрел өзенінің арнасын мұз керіп, су ауылға қарай ақты, деп хабарлайды EL.kz ақпарат агенттігі.
Өрел ауылының тұрғындары он үш сағаттан бері сумен алысып жатқан көрінеді. Олар Шоқан Уәлиханов көшесіндегі ахуалды видеоға түсіріп, әлеуметтік желіде бөліскен.
Оқиға орнында жүрген аудан басшысының айтуынша үш үйге су кіріп, жөртөлеге жайылды. Ауыл тұрғындары алты үйдің су басқанын мәлімдеді.
Аудан басшысы Ділдар Қалиқанұлы аудандық төтенше жағдайлар қызметкерлері мен жергілікті атқарушы билік жұмылдырылып, мотопомпалар арқылы суды сорғытып жатқанын айтты. Қаптарға тиісті заттар салынып, бөгеттер дайындалып, судың одан әрі үйлерге жайылмауын басты назарда ұстайтынын мәлімдеді.
Бөлісу:
Қысқа да нұсқа. Жазылыңыз telegram - ға
Алдыңғы жаңалық
«Қант диабетін, қатерлі ісікті емдейді»: Жұлдыздар мен блогерлер жалған жарнама жасаған
Келесі жаңалық
Астанадан 13 мың текше метр қар шығарылды