ШҚО-да екі жылда 20 мектеп салынады - әкім

ШҚО әкімі Даниал Ахметов облыстық мәслихаттың 19-сессиясында депутаттар алдында өңір дамуының маңызды аспектілері туралы есеп берді, деп хабарлайды EL.KZ әкімдіктің баспасөз қызметіне сілтеме жасап. 

Өңір экономикалық көрсеткіштердің барлық индикаторларын жақсы қарқынмен жүзеге асыруда. Мәселен, индустриялық секторда кәсіпкерлікті қолдау Картасы бойынша экспортқа бағдарланған өндірістерді құру үшін 32 жоба іске асырылды. Бұл АЭС үшін жылу бөлетін құрамалар шығаратын зауыт. Қыркүйек айынан бастап зауыт Қытай нарығына өнім жеткізуге кірісті. Жоба Қазақстанға Атом станциялары үшін ядролық отын өндіруші және жеткізуші мемлекеттердің шектеулі шеңберіне кіруге мүмкіндік береді. ТМК Сәтбаев кен орнында екінші байыту фабрикасын іске қосты. Жыл соңына дейін Стриженск кен орнының полиметалл және мыс-колчедан кендерін өнеркәсіптік игеру жобасын іске асыру жоспарланған. Жақын арада Тарбағатай ауданында қуаты жылына 25 млн тонна мыс кенін өңдейтін тау-кен байыту комбинатының құрылысы және басқа да жобалар басталады - деді әкім.

Шағын және орта бизнес жұмысының тиімділігі маңызды көрсеткіш. Жыл басынан бері барлық мемлекеттік бағдарламалар аясында 384 жоба субсидияланды. 

Жақын арада облыста агроөнеркәсіптік секторды дамыту бойынша мемлекет Басшысы қойған міндеттерді шеше отырып, біздің өнімді ҚХР стандарттары бойынша сертификаттауға мүмкіндік беретін биозертханасы жұмыс істей бастайды. Біз ғимарат салдық, барлық инфрақұрылымды дайындадық. Қытай тарапы құрал-жабдықтар жеткізіп, біздің мамандарды оқытады, бұл біздің өңір үшін өте маңызды жоба - деді Даниал Ахметов.

Оның сөзіне қарағанда, 2 бағдарлама аясында жобалар жалғасады.

Олар - шекаралас аудандар мен бұрынғы аудан орталықтарын дамыту. Облыстың әлеуметтік саласын жаңғырту жұмыстары жалғасуда. Денсаулық сақтау және білім беру жобалары бұрынғысынша біздің басымдығымыз болып қала береді. Президенттің Жолдауында қойылған міндеттерді іске асыру аясында 2023 жылдан бастап екі жыл ішінде бүгінде медициналық мекемелері жоқ ауылдарда медициналық және фельдшерлік-акушерлік пункттер салынып, толық жарақтандырылады. "Жайлы мектеп" жаңа ұлттық жобасы аясында 2025 жылға дейін заманауи талаптарға жауап беретін 20 мектеп іске қосылады. Қасым-Жомарт Кемелұлы Тоқаевтың тапсырмасына сәйкес ірі инфрақұрылымдық жоба - Бұқтырма су қоймасы арқылы көпір салу жалғасуда. Бүгінгі күні облыстың әрбір елді мекені бойынша өзекті мәселелер тізбесі құрылды, оларды шешу бірінші кезекте шығысқазақстандықтардың өмір сапасын арттырады - деді әкім.

Қысқа да нұсқа. Жазылыңыз telegram - ға