Сенатта Жоғары аудиторлық палатаның мүшелері тағайындалды
Есеп палатасының мүшелігіне Рашит Ахметов, Нұрлан Нұржанов және Расул Рахимовты ұсынды
Бүгін Парламент Сенатының жалпы отырысында Қазақстан Республикасы Жоғары аудиторлық палатаның мүшелері болып Рашит Ахметов, Нұрлан Нұржанов және Расул Рахимов тағайындалды, деп хабарлайды El.kz ақпараттық агенттігі.
«Конституцияға сәйкес, Парламенттің әрбір палатасы Жоғарғы есеп палатасының үш мүшесін бес жыл мерзімге дербес тағайындайды. Жоғары аудиторлық палатаның мүшесі лауазымына тағайындау үшін кандидатураларды палата төрағасы ұсынады», деді жалпы отырыс барысында Сенат төрағасы Мәулен Әшімбаев.
Мәулен Әшімбаев Есеп палатасының мүшелігіне Рашит Ахметов, Нұрлан Нұржанов және Расул Рахимовты ұсынды.
«Бұл кандидаттар өздерінің кәсіби қызметі барысында өздерін жауапты басшы, қаржылық бақылау және аудит саласындағы жоғары білікті мамандар ретінде көрсете білді», деді Сенаттың Қаржы және бюджет комитетінің төрағасы Серікбай Трумов.
Рашит Ахметов 1959 жылы дүниеге келген. Алматы темір жол көлігі институтын және Батыс Қазақстан инженерлік-технологиялық университетінің Басқару және құқық институтын бітірген. 2017 жылғы маусымнан 2022 жылғы маусымға дейін Республикалық бюджеттің атқарылуын бақылау жөніндегі есеп комитетінің мүшесі болды.
Нұрлан Нұржанов 1975 жылы дүниеге келген. Қазтұтынуодағы Қарағанды экономикалық университетін бітірген. 2016 жылғы маусымнан қазіргі уақытқа дейін Есеп комитетінің мүшесі.
Расул Рахимов 1978 жылы Өскеменде дүниеге келген. Серікбаев атындағы Шығыс Қазақстан университетін бітірген. Бранденбург технологиялық университетінің магистрі, Оксфорд университетінің магистрі. Ол «Болашақ» халықаралық стипендиясының түлегі. 2021 жылдың қыркүйегінен бастап қазіргі уақытқа дейін Есеп комитетінің мүшесі.
Бұған дейін Парламент Мәжілісінің жалпы отырысында Михаил Бортник, Рүстем Нұрпейісов және Юлия Энгель Қазақстан Республикасы Жоғары аудиторлық палатасының мүшелері болып тағайындалған болатын.
Айта кетейік, Мемлекет басшысының Жарлықтарымен Тілеген Қаскин мен Ардақ Теңгебаев Жоғары аудиторлық палатасының мүшелері болып тағайындалды.
Биылғы жылдың 26 қарашасында Қазақстан Республикасының Президенті Қасым-Жомарт Тоқаев «Қазақстан Республикасы Жоғарғы аудиторлық палатасының кейбір мәселелері туралы» Жарлыққа қол қойды.
Мемлекет басшысының Жарлығымен бұған дейін Республикалық бюджеттің атқарылуын бақылау жөніндегі есеп комитетінің төрағасы қызметін атқарған Наталья Годунова Жоғарғы есеп палатасының төрағасы болып тағайындалды.
Қысқа да нұсқа. Жазылыңыз telegram - ға