Семейден шығып, әлемді бағындырған киберспортшы: Данил Голубенко туралы не білеміз?
2025 жылы HLTV Awards салтанатты рәсімінде әлемнің үздік Counter-Strike ойыншылары мен командалары марапатталды. Осы жылғы ең қызықты жаңалықтардың бірі – қазақстандық киберспортшы Данил Голубенконың «Үздік дебютант» атағын жеңіп алуы болды.
FURIA Esports командасының жас ойыншысы Данил қарсыластары ресейлік Максим kyousuke Лукин (Team Falcons) және Косоводан шыққан Дрин makazze Шакирді (Natus Vincere) басып озды. Марапатты қазақ спортшысына Counter-Strike тарихындағы белгілі ойыншылардың бірі, мароккалық-бельгиялық Адиль ScreaM Бенрлито табыс етті. Сонымен қатар «Жыл ойыншысы» атағы үшінші рет француз Матье ZywOo Эрбода берілді. Данил Голубенко маусым қорытындысы бойынша HLTV-дің жалпы рейтингінде 6-орынға көтерілді.
Оқи отырыңыз:
- Киберспортқа ойын емес, спорт деп қарау керек – Дулат Төлеуғалиев
- Олимпиада, мундиаль, камбэк: 2026 жыл Қазақстан спорты үшін қандай болмақ?
Ерте шақтағы қызығушылық
20 жастағы Данил – Семей қаласының тумасы. Бала кезінен спортқа қызығып, футбол және каратэмен айналысқан. Ал компьютерге деген қызығушылығы ата-анасының сыйлаған ноутбугі арқылы басталған. Алғашында ол Crossfire ойынын ойнаған, кейін CS:GO әлеміне кіріп, кәсіби ойыншыға айналған.
Данилдің айтуынша, компьютерлік клубтар оның кәсіби ойын жолындағы алғашқы мектебі болған.
Менің өз компьютерім жоқ еді, сондықтан өзімді компьютерлік клубтарда шындадым. Сол жерде турнирлерге қатыстым, алғашқы жеңістеріме де сол жерде қол жеткіздім. 14-15 жасымда ойыным біртіндеп жақсара бастады. Қазақстан бойынша түрлі турнирлерге қатысып бастадым. Сол сәттен бастап киберспортқа қызықтым, – дейді ол.
FURIA Esports-пен алғашқы жетістіктер
2025 жылдың көктемінде Данил FURIA Esports командасына қосылды. Жазда Астанада өткен ірі PGL турнирінің жартылай финалына шықты.
Маусымның ең есте қаларлық оқиғасы – 21 қыркүйекте FISSURA Playgrounds 2 турнирі болды. Бұл турнир әлемнің 20-дан астам елінен келген командаларды біріктірді, ал жалпы жүлде қоры 1,2 миллион долларды құрады. Сол іс-шарада Данил MVP атағын жеңіп алып, өзінің жоғары деңгейдегі ойын шеберлігін көрсете білді.
Данил үшін бұл турнир ерекше маңызды болды.
Бұл менің халықаралық аренадағы алғашқы үлкен жеңісім. Мұнда тәжірибелі командалар ғана емес, әлемдік деңгейдегі ойыншылар да болды. Сондықтан MVP болу – мен үшін үлкен мақтаныш, – деді Данил.
FISSURE Playgrounds 2 турнирі туралы
FISSURE Playgrounds 2 – 2025 жылы Counter‑Strike 2 (CS2) бойынша өткен ірі халықаралық турнир. Бұл іс-шара FISSURE ұйымы өткізіп, Tier‑1 деңгейіндегі турнирлер қатарына жатады, яғни әлемнің ең кәсіби CS2 командалары қатысады.
Бұл турнирдің ерекшелігі – тек ең кәсіби командалар ғана қатысады, ал оның нәтижесі CS2 әлемдік рейтингінде маңызды рөл атқарады. Данил Голубенко үшін бұл турнир – халықаралық аренадағы алғашқы үлкен жеңіс.
FISSURE Playgrounds сериясы бірнеше жылдан бері өткізіліп келеді және жыл сайын жаңа турнирлер ұйымдастырылып, киберспортшыларға халықаралық тәжірибе жинауға мүмкіндік береді. Бұл турнирлер CS2 киберспортын дамытуда маңызды рөл атқарады және Қазақстан секілді елдердің жас таланттарын әлемдік деңгейде танытуға мүмкіндік береді.
Бұған дейін Қазақстанда киберспорт қалай дамып жатқаны туралы жазғанбыз.
@furia Com a palavra, o Novato do Ano no Counter-Strike 2: 🇰🇿 Danil #molodoy Golubenko #HLTVAwards ♬ som original - FURIA
Қысқа да нұсқа. Жазылыңыз telegram - ға
Оқи отырыңыз 
