Семейде жаяу жүргіншілер өткелінде жас қызды көлік қағып кетті

Семейде жаяу жүргіншілер өткелінде жас қызды көлік қағып кетті

05.09.2025 22:30

Фото: Видеодан кадр

Семейде жаяу жүргіншілер өткелінен өтіп бара жатқан жас қызды көлік қағып кетті. Оқиға бүгін, 5 қыркүйекте сағат 17:00 шамасында Шәкәрім даңғылында болған, деп хабарлайды El.kz интернет порталы.

Жол-көлік оқиғасының видеосы Абай облыстық Полиция департаменті жариялады.

Жәбірленушіге медициналық көмек көрсетілді. Қазіргі уақытта полиция қызметкерлері оқиғаның барлық мән-жайын анықтап жатыр.

Осы ретте полиция департаменті ескертеді: мұндай оқиғалар жүргізушілердің жауапсыздығы мен назарсыздығынан туындайды. Жаяу жүргіншілер өткеліне жақындаған кезде жүргізушілер жылдамдықты төмендетіп, барынша мұқият болып, жолда адамдардың жоқтығына көз жеткізуге міндетті. Бұл талаптарды бұзу әкімшілік және қылмыстық жауапкершілікке әкеледі.