Семейде 139 жас сарбаз әскери ант қабылдады

Семейде 139 жас сарбаз әскери ант қабылдады

26.05.2025 00:12

Фото: Семей қаласы әкімдігі

Семей қаласындағы Жеңіс саябағында Қарулы күштерде қызметін бастаған 139 жас сарбаздың әскери ант беру рәсімі өтті, деп хабарлайды El.kz ақпарат агенттігі.

Салтанатты іс-шараға сарбаздардың ата-аналары мен жақындары, достары және әскери бөлім командирлері қатысты.

Әскери тәртіпке сай сарбаздар Мемлекеттік Тудың алдында сап түзеп, Отанға адал қызмет етуге салтанатты түрде ант берді.

Шара барысында Семей қаласы әкімінің орынбасары Азамат Сәлімбаев жас сарбаздарды құттықтап, жүрекжарды тілегін білдірді. Өз сөзінде ол бұл күннің маңызы мен жауапкершілігін ерекше атап өтті.