Самокат жүргізушілері бір айда 1,7 мыңнан астам жол ережесін бұзған
![Самокат жүргізушілері бір айда 1,7 мыңнан астам жол ережесін бұзған Самокат жүргізушілері бір айда 1,7 мыңнан астам жол ережесін бұзған](/storage/storage/element/2023/10/03/mainphoto/70857/1200xauto_LMq4EThq1yyri9lNNM8aum9i9gQej5j3EYYP4nZd.jpg)
Бір айда самокат жүргізушілері тарапынан 1,7 мыңнан астам жол ережесін бұзу дерегі тіркелген. Бұл туралы Ішкі істер министрінің бірінші орынбасары Марат Қожаев үкімет отырысында айтты, деп хабарлайды El.kz ақпарат агенттігі.
Оның ішінде кәмелетке толмағандардың жүріс бөлігінде электрлі самокаттарды басқарудың 562 дерегі анықталған.
Соңғы жылдары электрлі самокаттар мен мопедтер мәселесі айтарлықтай күшейді және олардың жол жағдайына әсері артпаса, төмендемейді. Жолдарда олардың саны айтарлықтай көбейді. Тек соңғы екі күнде мопедистердің кінәсінен 3 адам қаза тапты.Осыған байланысты 30 тамызда Мәжіліс депутаттарымен бірлесіп әзірленген заң жобасы қабылданды. Онда электрлі самокат ұғымы, жүріп-тұру ережелері, сондай-ақ олардың жүргізушілерінің құқықтары мен міндеттері бекітілген. Бұл шаралар олардың жүрісін реттеуге мүмкіндік берді, ал полицияда ықпал етудің нақты тетіктері пайда болды, - деді Марат Қожаев.
Қожаевтың айтуынша, қыркүйек айында ғана самокат жүргізушілері тарапынан 1,7 мыңнан астам бұзушылық анықталды. Бұл мәселені тек полиция әдістерімен шешу мүмкін емес.
Әкімдіктер тарапынан инфрақұрылымды дамыту бойынша шаралар қажет. Бөлінген жолақтарды жайластыру, жеке веложолдар салу, электрлі самокаттардың қозғалысына тыйым салынған аймақтарға бөлу керек, - деді вице-министр.
![Telegram](https://el.kz/static/site/images/tel26.png)