СҚО-да екі зауыттың құрылысы басталды
Зауыттың ауданы 25 мың шаршы метрді құрайды
Солтүстік Қазақстан облысында шетелдік инвесторлардың қаржысына екі зауыттың құрылысы басталды, деп хабарлайды EL.KZ облыс әкіміне сілтеме жасап.
Мен жастарды екі инвестициялық жобаны іске асырудың басталуымен таныстырдым: ДСП шығаратын кәсіпорын және жеңіл болаттан жасалған жұқа қабырғалы конструкциялар зауыты, өйткені біз олар үшін жаңа жұмыс орындарын ашып жатырмыз, - деп жазды облыс әкімі Құмар Ақсақалов әлеуметтік желідегі парақшасында.
ДСП зауыты - түрік инвесторының екінші жобасы. Өткен жылы фанера зауыты іске қосылғанда мұнда 160 адам жұмыс істесе, қазір олардың саны 300-ге жетті. Жаңа ДСП зауытында қосымша 300 жұмыс орны ашылады. Зауыттың ауданы 25 мың шаршы метрді құрайды. 8 млрд теңге инвестиция құйылмақ. Олар Түркия мен Қытайдан заманауи қондырғылар орнатады. Жаңа зауыт 50 мың текше метр ДСП шығарады. Осылайша, үлкен ағаш өңдеу кластері құрылмақ.
Тағы бір маңызды жоба - жеңіл болаттан жасалған жұқа қабырғалы конструкциялар зауыты. Жаңа кәсіпорын ғимараттар салуға арналған құрама металл конструкцияларын шығаратын болады. Бұл логистика және құрамдас бөліктерді тасымалдау мәселесін шешеді, бұл өз кезегінде құрылыс нысандарын салу уақыты мен құнын қысқартады. Мәселен, сүт фермасының құрылысы 2 жылға дейін созылады, жаңа зауыт іске қосылғанда құрылыс мерзімі бір маусымға дейін қысқарады. Инвесторлар 2 млрд теңге салуды жоспарлап отыр. Жоба «Qyzyljar» арнайы экономикалық аймағында орналасқан, мемлекет инфрақұрылымға көмектеседі. 30 тұрақты жұмыс орны ашылады.
Қысқа да нұсқа. Жазылыңыз telegram - ға