Ресейлік мәнерлеп сырғанаушы допинг қолданғаны үшін 4 жылға жарыстан шеттетілді
Лозаннадағы спорттық арбитраждық сот (CAS) 17 жастағы ресейлік мәнерлеп сырғанаушы Камила Валиеваны төрт жылға жарыстан дисквалификациялау туралы шешім қабылдады. 2022 жылы Бейжің Олимпиадасы кезінде оның допинг үлгісінен тыйым салынған триметазидин заты табылды, деп хабарлайды bbc-ге сілтеме жасап El.kz ақпарат агенттігі.
Камила Валиева ісі бойынша тыңдаулар Лозаннадағы CAS-те 2023 жылдың 26-28 қыркүйегінде өткен. Содан кейін қарашада екі қосымша тыңдау өтті. Валиева сотқа бейнебайланыс арқылы қатысқан.
CAS шешімінде мәнерлеп сырғанаушы допингке қарсы ережелерді бұзғаны үшін кінәлі деп танылғаны айтылған. Ол оң сынақ тапсырылған күннен бастап төрт жылға дисквалификацияланады (2021 жылдың желтоқсанынан).
Камила Валиева осы уақыт ішінде алған барлық марапаттары мен атақтарынан (соның ішінде командалық жарыстардағы Еуропа чемпионы және Олимпиада чемпионы атақтары) айырылады.
Сот шешім шығарған кезде ресейлік допингке қарсы ережелерді басшылыққа алғанын, оған сәйкес жеңіл шешім қабылдауға негіз болмаса, ереже бұзушылық төрт жылға дисквалификациямен жазаланатынын түсіндірді.
Оқи отырыңыз:
- Допинг дауы: Зүлфия Чиншанлоның жүлделері мемлекетке қайтарыла ма
- Допинг қолданған: UFC-ден үш спортшы шеттетілді
Егер спортшы допингке қарсы заң бұзушылықты қасақана жасамағанын дәлелдей алса, жаза соншалықты ауыр болмас еді. Үлгіде триметазидиннің болу фактісі мәнерлеп сырғанаушы мен оның адвокаттары тарапынан дауланбады.
Барлық дәлелдемелерді мұқият қарап шыққан CAS Камила Валиеваның допинг қолдануын байқаусызда бұзғанын алқаға дәлелдей алмады деген қорытындыға келді, - делінген шешімде.
Сот спортшының жастығына байланысты «қорғалған адам» мәртебесі шешімге әсер етпейтінін атап өтті.
CAS процеске қатысушылардың құпиялылықты қалауы мүмкін екендігіне сілтеме жасап, шолудың егжей-тегжейлерін жарияламады.
Камила Валиеваның спорттық нәтижелерінің жойылуы оның орнына ресейлік спортшы Анна Щербакованың 2022 жылғы Еуропа чемпионы болатынын білдіреді.
Қысқа да нұсқа. Жазылыңыз telegram - ға