ҚР Ақпарат министрлігі Жастар және отбасы істері комитетінің төрағасы тағайындалды
Ол 2020 жылдың тамызынан бастап қазіргі уақытқа дейін Жастар және отбасы істері комитеті төрағасының орынбасары қызметінде болды.
Қазақстан Республикасы Ақпарат және қоғамдық даму министрлігінің бұйрығымен Қайрат Дүйсембайұлы Баймульдинов Қазақстан Республикасы Ақпарат және қоғамдық даму министрлігінің Жастар және отбасы істері комитетінің төрағасы болып тағайындалды, – деп хабарлайды EL.kz. Бұл туралы ҚР Премьер-Министрінің баспасөз қызметі хабарлады.
Қайрат Баймульдинов 1983 жылы Қарағанды облысында дүниеге келген. Е. Бөкетов атындағы Қарағанды мемлекеттік университетін, Қарағанды «Болашақ» өзекті білім беру институтын тәмамдаған.
Еңбек жолын 2004 жылы өңірлік газетте журналист болып бастады.
2004-2005 жылдары — Қарағанды қ. №23 орта мектебінің журналистика мұғалімі.
2005 жылы Қарағанды қаласы Ішкі саясат бөлімінің бас маманы болып жұмыс істеді.
2005-2007 годы — Қарағанды облысы Ішкі саясат департаментінің жетекші маманы.
2007-2008 жылдары ҚР Экономика және бюджеттік жоспарлау министрлігі құрылымында жетекші, бас маман, сарапшы болып қызмет етті.
2008-2012 жылдары — ҚР Премьер-Министрі Кеңсесі Ақпараттық-талдау орталығының бас сарапшысы, бас консультанты.
2012-2013 жылдары — ҚР Премьер-Министрі Кеңсесі Орталық коммуникациялар қызметінің бас консультанты.
2013-2014 жылдары — ҚР Премьер-Министрі Кеңсесі Ақпараттық-талдау орталығының бас консультанты.
2014-2015 жылдары — ҚР Премьер-Министрі Кеңсесі Ақпараттық-талдау орталығы Медиа-жоспарлау және жұртшылықпен байланыс секторының меңгерушісі.
2017-2018 жылдары — ҚР Дін істері және азаматтық қоғам министрлігі Азаматтық қоғам істері комитеті Талдау және жоспарлау басқармасының басшысы.
2018-2020 жылдары ҚР Ақпарат және қоғамдық даму министрлігінің құрылымында басшылық қызметтерде болды.
2020 жылғы тамыздан бастап қазіргі уақытқа дейін ҚР Ақпарат және қоғамдық даму министрлігі Жастар және отбасы істері комитеті төрағасының орынбасары болды.
Қысқа да нұсқа. Жазылыңыз telegram - ға