Қызылордалық өрт сөндірушілер 40 адамды аман алып шықты

Қызылордалық өрт сөндірушілер 40 адамды аман алып шықты

18.02.2024 22:51

Фото: Бейнежазбадан скриншот

Қызылорда өңірінің өрт сөндірушілері төтенше жағдай кезінде 40 адамды, оның ішінде 11 баланы эвакуациялады, деп хабарлайды El.kz ақпарат агенттігі.

Бүгін Қызылорда облысының өрт сөндірушілері бес қабатты тұрғын үйдің бірінші қабатында орналасқан шаштараздағы өртті сөндіріп, ауыздықтады.

ТЖД күшімен баспалдақ арқылы 40 адам, оның ішінде 11 бала эвакуацияланды. Қаза болғандар мен зардап шеккендер жоқ. Оқиға орнына ТЖД 28 қызметкері, 9 бірлік техникасы жұмылдырылды, - деп жазылған ТЖМ таратқан мәліметте.