Қызылордада қаржы пирамидасын құрған күдікті 5 жылға сотталды
Қызылорда қаласында азаматша кооперативтік филиал ашу арқылы интернет желісінде ешқандай пайызсыз үй және автокөлік алуды жарнамалап, үгіт-насихат жұмыстарын жүргізіп, салымшыларды өзіне ақшалай салым жасауға шақырған, деп хабарлайды El.kz ақпарат агенттігі.
Оның қылмыстық әрекетінің салдарынан Қызылорда қаласының 11 тұрғынына 15 млн. теңге көлемінде мүліктік зиян келсе, 3 жәбірленуші 2 автокөлігінен және 1 жер телімінен айырылған.
Қызылорда қаласының №2 сотының үкімімен азаматша Шагирова Гулсая Қазақстан Республикасы ҚК-нің 217-бабы 3-бөлігінің 2)-тармағымен кінәлі деп танылып, мүлкі тәркіленіп, 5 жыл мерзімге бас бостандығынан айыру жазасы тағайындалған.
Өз кезегінде, қастандық ойлаушылардың тұзағына түсіп қалмау үшін қаржылық пирамиданың басты белгілерін білген дұрыс.
Аса жоғары пайыз, күн сайынғы кіріс және әр ертіп келген адам үшін бонус ұсынса, сеніп қалмаңыз, бұл нағыз қаржылық пирамиданың белгісі.
Бүгінгі таңда қаржылық пирамида құрушылар танымал блогерлер мен жұлдыздарға жарнама жасатып өз қылмыстық әрекеттерін тоқтатпауда.
Осы орайда облыстық прокуратура қаржылық операция кезінде сақ болуға шақырады.
Қысқа да нұсқа. Жазылыңыз telegram - ға