Қызылорда облысында улы газдан екі адам көз жұмды
Бұл туралы облыстық төтенше жағдайлар департаменті мәлім етті
Қызылорда облысында кен орнындағы металл вагоннан жасалған тұрғын жайда улы газдан уланған екі адам көз жұмды, деп хабарлайды El.kz ақпарат агенттігі.
Аталған оқиға байланысты хабарлама облыстық төтенше жағдайлар департаментіне 12 желтоқсанда сағат 20:30 шамасында келіп түскен.
«Онда серіктестіктің бірінің өкілінен Сырдария ауданы аумағында орналасқан Белқұдық Тұзкөл ұңғымасы No49 кен орнындағы тұрғын жайға арналған металл вагонда көміртегі газымен уланған екі адамның қайтыс болғаны айтылған. Олар - 1972, 1975 жылғы азаматтар, Қызылорда қаласында тұрады. Жергілікті серіктестіктің бірінде күзетші қызметін атқарған», - деп мәлім етті Қызылорда облыстық Төтенше жағдайлар департаменті Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
Қысқа да нұсқа. Жазылыңыз telegram - ға