Қызметтік борышын орындау кезінде қаза тапқан өрт сөндірушіге өтемақы төленеді
Өзге де қосымша көмек көрсету мәселелері қарастырылып жатыр, деп хабарлайды El.kz ақпараттық агенттігі.
Алматы ТЖД баспасөз қызметінің ақпаратынша, "Құқық қорғау қызметі туралы" Заңға сәйкес қаза тапқан қызметкер Құрманбеков Арсланның мұрагерлеріне оның 60 айлық ақшалай қаражаты (5 жылғы) - шамамен 13 млн.теңге мөлшерінде біржолғы өтемақы төленетін болады.
Жерлеуге жұмсалған шығыстарға 600 мың теңге көлемінде өтемақы төленеді. Жерлеу бойынша барлық шығындарды Алматы қаласының Төтенше жағдайлар департаменті ұйымдастырды.
ТЖ министрлігі Президент Әкімшілігіне мемлекеттік наградаға қызметтік борышын орындау кезінде қаза тапқан өрт сөндіруші А.Ж. Құрманбековті марапаттау туралы ұсыныс енгізді.
Сонымен қатар, Алматы қаласы әкімдігінің атына әлеуметтік көмек тәртібінде А. Ж. Құрманбековтың анасына тұрғын үй бөлу мүмкіндігін қарастыру туралы өтініш жолданды.
Өзге де қосымша көмек көрсету мәселелері пысықталуда. Ертең, 11 мамырда Алматы қаласының ТЖД осы факті бойынша брифинг өткізіледі, онда қосымша тиісті түсініктемелер беріледі, - делінген хабарламада.
Қысқа да нұсқа. Жазылыңыз telegram - ға