Қытайдағы ең қауіпсіз көлік анықталды: оның Қазақстандағы бағасы қандай?
Huawei мен Seres бірлесіп шығарған Aito M8 кроссовері Қытайдағы ең қауіпсіз көлік деп танылды. C-NCAP краш-тестінің қорытындысы бойынша ол 93,7% нәтижеге қол жеткізіп, барлық бәсекелестерінен озып шықты. Бұл туралы CarNewsChina-ға сілтеме жасай отырып El.kz интернет порталы хабарлайды.
Нарықтағы жетістік
Aito M8 Қытайда 2025 жылдың сәуір айында сатылымға шыққан. Аз уақыт ішінде ол ең көп сұранысқа ие модельдердің біріне айналды. Ал қауіпсіздік сынақтарынан кейін бұл кроссовер тағы да үлкен назарға ілікті.
Сынақ нәтижелері
Aito M8 барлық категория бойынша жоғары көрсеткіш көрсетті. Оның 93,7% рейтингі 2024 жылғы жаңа стандартпен сыналған барлық көліктер арасындағы ең үздік нәтиже болды. Осыған дейін көш бастап тұрған Xiaomi SU7 моделі 93,5% жинаған еді.
Ерекше жоғары баға алғаны – белсенді қауіпсіздік жүйесі. Оның көрсеткіші 96,34%, бұл саладағы орташа деңгейден 10%-ға жоғары. Автоматты шұғыл тежеу жүйесі мен оптикасы максималды ұпайға ие болды.
Жолаушыларды қорғау санатында Aito M8 96,26% жинап, орташа көрсеткіштен 5%-ға артық нәтиже көрсетті. Кроссовер маңдайдан соққыға, бүйірлік соқтығысқа және бағанаға соғылу сынақтарынан сәтті өтті.
Жаяу жүргіншілер қауіпсіздігіне берілген баға да жоғары – 86,03%. Бұл сынақта жаяу жүргіншінің басы мен аяғын қорғау деңгейі, сондай-ақ автоматты тежеу жүйесінің тиімділігі тексерілді.
Краш-тест қалай өткізіледі?
C-NCAP краш-тесттерін Қытайдың автомобиль технологиялары мен зерттеу орталығы өткізеді. Бағалау барысында жолаушылардың қорғанысы, жаяу жүргіншілер мен велосипедшілердің қауіпсіздігі, қосымша көмекші жүйелердің жұмысы қарастырылады. Объективті болу үшін көліктер дилерлерден жасырын сатып алынады.
Қазақстандағы бағасы
Қазақстанда ресми дистрибьюторлар Aito M8 сатпайды. Оны тек жеке дилерлерден алуға болады. Кедендік бақылаудан өткен қытайлық кроссоверлердің бағасы 34,5-37,2 млн теңге аралығында.
C-NCAP бойынша ең қауіпсіз көліктер (2024)
Aito M8 — 93,7%
Xiaomi SU7 — 93,5%
Zeekr Mix — 91,8%
Mazda EZ-6 — 90,8%
Li Auto L6 — 90,5%.
Қысқа да нұсқа. Жазылыңыз telegram - ға
Оқи отырыңыз 
