Жаңалықтар

Қорғаныс министрінің орынбасары IT-компаниялардың өкілдерімен кездесті

Қорғаныс министрінің орынбасары IT-компаниялардың өкілдерімен кездесті
Фото: Қорғаныс министрлігі 22.12.2024 21:10 130

Қорғаныс министрінің орынбасары Дархан Ахмедиев IT-компаниялардың менеджерлерімен Қарулы күштерді цифрлық трансформациялау мәселелерін талқылады, деп хабарлайды ведомствоның баспасөз қызметіне сілтеме жасап El.kz ақпарат агенттігі.

Кездесуге әртүрлі IT-қауымдастықтардың инженерлері ғана емес, сонымен қатар министрліктің Ақпараттық технологиялар, Байланыс, Мемлекеттік құпияларды қорғау, Ұшқышсыз әуе жүйелерін дамыту және қолдану департаменттерінің өкілдері қатысты.

Біз дәстүрді бұзбауға, IT-компаниялар біздің жобаларымызды іске асыруға қосылуға дайын болуы үшін келесі жылға арналған жоспарларымызды сіздермен бөлісуге шешім қабылдадық, – деді министрдің орынбасары. 

Министрлік өкілдері жиналғандарға Қорғаныс министрлігінің 2025 жылға арналған IT-жобаларын іске асыру жоспарлары мен тәртібі туралы хабарлады.

Дархан Ахмедиев Қорғаныс ведомствосын цифрландырудың басым бағыты 2025 жылы әскерлерді басқару жүйелерін (АБЖ) автоматтандыруды атады. Әуе қорғанысы күштерінің АБЖ-ны дамыту, оны Әскери-теңіз күштері мен Құрлық әскерлерінде құру және енгізу көзделген. 

Қарулы күштер түрлерінің командалық пункттерін, әскер тектерін және әскери бөлімдерді жарақтандыру үшін ақпараттық-коммуникациялық инфрақұрылым құрылатын болады.

Бұл мәселелерді шешу ақпараттық жүйелерді дамытуды, Қарулы күштер түрлерінің, әскерлер мен әскери бөлімдердің командалық пунктерінің ақпараттық-коммуникациялық инфрақұрылымына техникалық қызмет көрсетуді және сүйемелдеуді көздейді. Мобильді деректер орталықтарын салу және жарақтандыру жүзеге асырылады, есептеу және перифериялық техника сатып алынады. Осылайша қорғаныс ведомствосы IT-шешімдерді әзірлеумен және енгізумен айналысатын сала өкілдерін ынталандыруға дайын, ал отандық фирмалар, талқылау көрсеткендей, жаңа бағдарламалық өнімдерді жасау бойынша өз әзірлемелерімен бөлісе алады.

Бөлісу:
Telegram Қысқа да нұсқа. Жазылыңыз telegram - ға