Қор нарығында доллар бағасы төмендеді
Бүгінгі сауда-саттық барысында әлемдік мұнай бағасы да төмендеді
KASE Қазақстан қор биржасы 15:30-дағы жағдай бойынша доллардың орташа өлшенген бағамы 461,84 теңгені құрап, 0,63 теңгеге төмендегенін жеткізді, деп хабарлайды El.kz ақпараттық агенттігі.
Қытай юанінің орташа өлшенген бағамы төмендеп, 68,11 теңгені (-0,05) құрады.
Еуро бойынша сауда-саттық өткізілген жоқ. Ал рубль бойынша әлі аяқталған жоқ. Ұлттық банк еуро бағамын 493,52 теңгеге, рубльді – 6,65 теңгеге белгіледі.
Айырбастау пункттерінде долларды 463,5-467 теңгеден, еуроны – 494-500 теңгеден, ресей рублін – 6,3-6,6 теңгеден сатып алады/сатады.
Сондай-ақ бүгінгі сауда-саттық барысында әлемдік мұнай бағасы да төмендеді.
Мәселен, ICE Futures-тегі Brent маркалы мұнайдың құны 0,29%-ға төмендеп, барреліне 79,42 долларды құрады.
NYMEX электронды сауда-саттығында WTI мұнай фьючерстері ақпан айында 0,21%-ға, барреліне 74,47 долларға дейін арзандады.
Қысқа да нұсқа. Жазылыңыз telegram - ға